Fox Sports Australië en Rugby Australië se vennootskap is in die weegskaal. 

Rugby Australië (RA) het ’n verklaring uitgereik ná gerugte dat Foxtel hom die deur kan wys ondanks ’n verbintenis van 20 jaar.

The Sydney Morning Herald berig dat die nuusagentskap hom aan ’n ooreenkoms van vyf jaar met Rugby Australië onttrek het.

Die verlies van ’n winsgewende kontrak sal ’n groot terugslag vir die sport in Australië wees, wie se TV-ooreenkomste reeds ver agter dié van die Nasionale Rugbyliga is.

Geld wat gemaak word uit TV-ooreenkomste is verreweg Rugby Australië se grootse bron van inkomste en dit betaal vir Superrugby en die Wallabies. “Wat die mediaregte betref, is RA in gesprekke met die breër mark oor die regte vir die tydperk van 2021 tot 2025.

“Geen formele onderhandelinge met die breër mark het nog plaasgevind nie. “Rugby Australië sal met ’n formele regte-aanbod op ’n gepaste tyd begin voor die einde van die huidige regte-tydperk.

“Rugby het ’n vennootskap van 25 jaar met Fox Sports en gaan voort met gesprekke met personeel in uitvoerende poste,” sê Rugby Australië in ’n verklaring.